ગઝલ
----- 

રહી ગઈ કહેવાની તુજને જે હૃદય ની વાત ખાસ,
તે ગઝલ ને કાવ્ય માં આજે રહે છે મારી પાસ,

જોયો અમીરી ને ગરીબી માં ફરક મેં એટલો,
કોકને ત્યાં છે દિવાળી, કોક ને માટે અમાસ

લઇ ગયું છે કોણ ચોરી મારા દિલ ના ચેન ને,
તારી આંખો પર છે શક, કાજી જરા કરજો તપાસ,

ઝાંઝવાઓ આમ ના તડપાવો મારી પ્યાસને,
આખા રણ ને એક ઘૂંટડે પી જવાની એ જ પ્યાસ

મારાપણામાં હું જ ખોવાઈ ગયો છું આજ તો,
શોધી આપે કોઈ મુજને, છે મને મારી તલાશ

ઉગતા સુરજ ને નમવા છે અહી તૈયાર સહુ,
છાયા પણ ભટકે ન પાસે, જેની ચાલે છે અમાસ

"સૌરભ" કરો ના ગમ તમે ડૂબી જવાનો આટલો,
તારશે નક્કી જ તારણહાર કાંઠે મારી લાશ 

--સૌરભ  જોષી